Ekki öll von úti enn!

Það kom okkur á óvart þegar Brown og Darling skelltu hryðjuverkalögum á okkur. Aðgerð sem endanlega gerði út um vonir okkar til að fleyta bankakerfinu eitthvað lengra inn í framtíðina. Við héldum nefnilega að Bretar væru vinaþjóð og hefðu einhvern skilning á aðstæðum. Þetta var náttúrlega hreinn barnaskapur, því engin er annars bróðir í leik og þegar leikfangið er fjármálakerfið í heild sinni þá var varla við öðru að búast en við tækjum skellinn.

Davíð Oddson setti fyrst fram hugmyndina um að við "greiðum ekki skuldir óreiðumanna", en það var áður en Samfylkingin taldi aðildarumsókn sinni að ESB ógnað með slíkum yfirlýsingum. Nú hafa fleiri tekið undir með Davíð, ekki bara Pétur Blöndal heldur líka nýskipaður viðskiptaráðherra sem hefur bæði tiltrú og stuðning Samfylkingarinnar. Það lítur því út fyrir að SF sé að gefa upp alla von um ESB og að auki að átta sig á að DO er í raun sá bjargvættur sem líklegastur er til að koma okkur út úr krísunni.

En það var kannski ekki svo klókt af Bretum að setja á okkur hryðjuverkalög. Þeir eru enn svo fastir í hugsunarhætti stórveldisins, sem heldur að einhver taki mark á því þegar þeir ræskja sig. En til er hópur manna sem hefur sérhæft sig í að finna leiðir framhjá skipunum tannlausa ljónsins. Þessi hópur getur nú vísað okkur veginn út úr þessari bóndabeygju sem ESB setti okkur í. Og við eigum að hlust og nýta okkur það sem nýtanlegt er úr vinnubrögðum þessara manna.

Þessi ráðagóði hópur samanstendur af öfgamúslimum sem hafa náð að véla undir sig laga- og réttarfarsstofnanir Evrópusambandsríkja. Þeir einir mega hvetja til morða á saklausum borgurum án þess að vera ásakaðir um fordóma eða hatursáróðurs. Þeir einir mega stunda fjölkvæni í þeim Evrópulöndum sem annars leggja bann við slíku athæfi borgaranna og þeir einir geta farið fram á félagsmálaaðstoð fyrir hverja og eina þessara eiginkvenna. Nú geta þeir líka neytt evrópska borgara til að greiða þeim bætur sé "gengið á mannréttindi þeirra", þ.e. borgara landa sem hafa það eitt til saka unnið að tilheyra skrifræði Brusselklíkunnar.

En við skulum ekki útiloka að þessir ráðagóðu hryðjuverkamenn munu leiða okkur aftur til frelsis. Síðustu áfrýjun klerksins Abu Qatada til að njóta landvistar og félagsmálaaðstoðar Breta, var í vikunni hafnað. Tannlausa ljónið kvað upp þann dóm að honum skuli vísað úr landi og hann sendur aftur heim til Jórdaníu þar sem honum yrði eflaust vel tekið að trúbræðrum sínum. En hvað er að marka dóma ljónsins? Hver hlustar á 60 milljón manna þjóð, sem eytt hefur hundruðum milljóna punda í að losna við kauða, þegar hinar 440 milljónirnar hafa komið sér saman um að gera eitthvað allt annað? ENGINN. Ekki frekar en þeir hlustuðu  á okkur þegar við lágum í blóði okkar þarna í byrjun október.

Abu Qatada getur haldið áfram að lifa í vellystingum á kosnað  breskra borgara eins lengi og hann kýs því nú hefst ferlið á ný, en í þetta sinn fyrir Mannréttindadómstól Evrópu. Það tekur langan tímaog óvíst hvort áfrýjunarferlin taki nokkurn enda. Abu litli getur gert sér góðar vonir um að máli hans verði vel tekið, því í dag komst dómstóllinn að þeirri niðurstöðu að það bæri að greiða honum £2,500 í miskabætur fyrir öll óþægindin sem umstangið hefur kostað hann hingað til.

Þótt ég sé ekki að leggja til að við fylgjum vinnubrögðum þessara öfgamanna í hvívetna get ég ekki annað en spurt: Hvers vegna í ósköpunum höfum við ekki tileinkað okkur aðferðir þeirra í viðskiptum við ESB-ríkin? Hegðum okkur eins og fórnarlömb, kvörtum og kveinum og umfram allt KÆRUM. Byrjum á mannréttindunum sem á okkur voru brotin þegar hryðjuverkalögin voru sett á okkur en ekki LehmannsBros. Ef það dugar ekki þá má benda á að við séum minnihlutahópur. Það er margt að tína til ef vilji er fyrir hendi. 

Verum nógu frökk og látum reyna á réttvísina.

Athugasemdir

[Sigurgeir Orri Sigurgeirsson, 24.2.2009 kl. 05:14]

Mikið til í þessu. Ég horfði á heimildarmynd um daginn, Banking on heaven, þar sem fram kemur að eiginkonur fjölkvænismanna eru skráðar sem einstæðar mæður og fá bætur frá yfirvöldum samkvæmt því. Í bænum þar sem fjölkvænið tíðkast er hlutfall einstæðra mæðra 75% en landsmeðaltalið er 15%. Það er rík ástæða fyrir Íslendinga að nýta sér lög og reglur Evrópusambandsins um styrki og ölmusur handa minnihlutahópum. Fórnarlambsleikurinn hefur greinilega virkað vel fyrir þennan mann sem titlar sig án nokkurrar menntunar (án efa) sem klerk.