Hvað ætlar Valtýr þá að rannsaka? spyr Eva Joly

Hún lætur ekki deigan síga, hún Eva Joly sem skorar nú á ríkissaksóknara að segja af sér. Hann hafi hvort eð er engin verkefni við að fást. Að mati Joly eru allir aðrir glæpir en þeir sem snúa að efnahagshruninu smá mál. 

Þetta er athyglisverð afstaða og hlýtur að koma Íslendingum spánskt fyrir sjónir. Það er ekki eins og embættið hafi ekki haft í nógu að snúast áður en bankahrunið helltist yfir okkur. Með lögum frá alþingi 1961 var embættið saksóknara ríkisins stofnað og hefur starfað allar götur síðan með þeirri breytingu að 1974 var saksóknari ríkisins gerður að ríkissaksóknar. 

Ríkissaksóknar vasast í ýmsu og má sjá verkefnaskrá á síður embættisins. Til gamans set ég hana hér á síðuna áður en því er slegið föstu að Eva Joly hafi lög að mæla þegar hún segir embættið ekki hafa neinn tilgang umfram það að naga blýanta.

Af síðu Ríkissaksóknaraembættisins:

Ríkissaksóknari höfðar opinber mál ef um er að ræða eftirgreind brot á almennum hegningarlögum:
a. brot á ákvæðum XXVI. kafla laganna,
b. brot á ákvæðum XVII. kafla laganna, öðrum en 155.og 158. gr.,
c. brot á ákvæðum XVIII. og XXII. kafla laganna,
d. brot á ákvæðum XXIII. kafla laganna, öðrum en 215. og 219. gr., ef brot tengist broti á umferðarlögum, og 217. gr. og 1. mgr. 218. gr.,
e. brot á ákvæðum XXIV. og XXV. kafla laganna, öðrum en 231., 232. og 233. gr.,
f. brot á 251. og 252. gr. laganna.

Sérstök verkefni ríkissaksóknara

• Ríkissaksóknari hefur eftirlit með framkvæmd ákæruvalds hjá lögreglustjórum.
• Ríkissaksóknari gefur út almenn fyrirmæli um meðferð ákæruvalds og getur gefið öðrum ákærendum fyrirmæli um einstök mál sem þeim er skylt að hlíta.
• Ríkissaksóknari getur tekið ákvörðun um saksókn úr höndum lögreglustjóra og gefið út ákæru í viðkomandi máli telji hann þess þörf.
• Ríkissaksóknari endurskoðar að eigin frumkvæði og/eða að fenginni kæru frá þeim sem hefur hagsmuna að gæta ákvörðun lögreglustjóra um að falla frá saksókn í máli.
• Að fenginni kæru frá þeim sem hefur hagsmuna að gæta;

a) endurskoðar ríkissaksóknari ákvörðun lögreglustjóra um að fella mál niður af þeirri ástæðu að það sem fram er komið í málinu þykir ekki, að mati lögreglustjóra, líklegt til sakfellis,

b) endurskoðar ríkissaksóknari ákvörðun lögreglustjóra um að vísa frá kæru eða hætta rannsókn í máli sem byrjað hefur verið á. Ríkissaksóknari tekur ákvörðun um hvort áfrýja skuli máli af hálfu ákæruvaldsins.

• Ríkissaksóknari annast ýmis atriði varðandi áfrýjun mála, tekur við áfrýjunaryfirlýsingu og beiðni um áfrýjunarleyfi frá dómþola sem óskar að áfrýja máli, gefur út  áfrýjunarstefnu og sér um að hún verði birt ákærða og ennfremur undirbýr hann og annast frágang á gögnum sem lögð eru fyrir Hæstarétt í svonefndu ágripi málsgagna.
• Ríkissaksóknari tekur við beiðni dómfellds manns um endurupptöku máls sem dæmt hefur verið.
• Ríkissaksóknari annast sókn í opinberum málum fyrir Hæstarétti.
• Ríkissaksóknari sinnir alþjóðlegum samskiptum og samstarfi ákærenda við meðferð sakamála.
• Samkvæmt ákvæði í lögreglulögum annast ríkissaksóknari rannsókn á kæru á hendur starfsmanni í lögreglu fyrir ætluð refsiverð brot við framkvæmd starfa hans.
• Ríkissaksóknari heldur sakaskrá fyrir landið allt þar sem skráð eru úrslit opinberra mála
  

Athugasemdir

[Sigurgeir Orri Sigurgeirsson, 7.7.2009 kl. 07:24]

Ég hugsa það þurfi að láta rannsaka þessa Evu.

[Ragnhildur Kolka, 7.7.2009 kl. 08:21]

Eva Joly er náttúruleg nöldurskjóða. Ef ríkissaksóknari hefði ekki lýst sig vanhæfan varðandi hrunið, þá hefði hún nuðað og nuddað vegna vinnuálags hans. Hún hefði ekki lint látum þar til búið væri að fjarlægja öll önnur verkefni frá embættinu svo hann gæti einbeitt sér að efnahagshruninu.

Ég þekki fullt af svona fólki. Og svei mér þá, ef það kýs ekki allt Samfylkinguna og Vg.

[Gústaf Níelsson, 8.7.2009 kl. 17:21]

Ætli að enginn sé til þess að skýra út fyrir Evu hvers vegna ráðherra (þ.e pólitíkusinn) getur ekki sett ríkissaksóknarann af? Lagaákvæði í þessa veru eru til þess að vernda borgarana gegn misvitrum stjórnmálamönnum, sem annars gætu tekið sér saksóknarvald og misbeitt því. Þetta er öryggisráðstöfun réttarríkisins. Eva hefur kannski engan áhuga á því ríki?

[Ragnhildur Kolka, 8.7.2009 kl. 20:46]

Sæll Gústaf og þakka þér fyrir innlitið; Ég efast ekki um að nóg sé til af fólki sem hefur bæði vilja og getu til að upplýsa Joly. Það eru hins vegar verulegar efasemdir í huga mínum að hún kæri sig um að upplýsast. 

Hún hafði ekki fyrir því að beina kröfum sínum, um aukinn mannskap í rannsóknavinnuna, til dómsmálaráðherrans heldu snéri sér beint til fjölmiðlafólks. Þar á hún í hús að venda og þangað leitar hún.

Við vitum hversu gáfulegt það getur verið.