Músarholuhugsunarháttur á mbl.is

Þessi snautlega frétt sýnir hvernig Íslenskum fréttamiðlum hugnast að greina frá atburðum  í Írak. Undir fyrirsögn um þinglega afgreiðslu mála varðandi 6000 manna "kokteil" erlendra hersveita kemur ein setning um 140 þús. manna lið Bandaríkjanna, sem gerðir eru að einhverju þurfalingalið sem "fær að vera svolítið lengur" með einhverjum "sérsamningi".   

 Um 140.000 manna lið Bandaríkjahers fær að vera í landinu til loka árs 2011, skv. sérsamningi sem hefur verið gerður.

Það hefði verið stórmannlegra að láta þess getið að atkvæði voru greidd á íraska þinginu í byrjun desember, um áframhaldandi dvöl bandarískra hermanna í Írak. Þessi þinglega meðferð sýnir auðvitað meiriháttar árangur innrásarinnar í Írak eftir erfitt úthald síðustu 5 ár.

Þótt engin tæki eftir þessu hér á landi fór ákvörðun íraks þings verulega fyrir brjóstið á Írönum sem lagt höfðu mikið upp úr að Shiitar höfnuðu áframhaldandi veru Bandaríkjahers. Aðeins fylgismenn al-Sadr greiddu atkvæði gegn tillögunni. Stærsti hluti Shiita, Kurdarnir  og Sunnitar greiddu atkvæði með veru hermannanna. Í raun höfðu Sunnar áhyggjur af því að tímasetningin væri full knöpp. En hún er táknræn og henni er hægt að breyta.

Það hefði ekki átt að fara framhjá mönnum að þingræði hefur verið komið á í Írak; þingræði, þar sem menn með ólíka sýn geta komið sér saman um hvað þjóðinni er fyrir bestu. En á Íslandi búa menn í músarholum og láta sem ekkert hafi breyst.

  

Þingið greiði atkvæði um veru erlendra hersveita í Írak

Athugasemdir

[Baldur Hermannsson, 22.12.2008 kl. 18:42]

Ég er stundum að hugsa um hvort vinur minn Bush sé svo afleitur forseti þegar grannt er skoðað. Hefur honum ekki tekist allt sem hann hefur ætlaði sér? Hann er búinn að koma Írak á rekspöl til lýðræðis, hefta hryðjuverkamenn um heim allan - að vísu er allt í skralli í efnahagsmálunum en er það ekki bara lögmál markaðarins?