Tætarinn kannski rafmagnslaus?

Já, líklega hefur Guðmundi þótt þörf á að fela slóðina. Eftir öll árin með Guðföðurnum hefur líklega ekki verið vanþörf á því að losna við gögnin. Laumuspilið sem R-listinn bar ábyrgð á hjá OR á valdatíma Alfreðs hefur líklega ekki þolað dagsins ljós. 

Ekki má heldur gleyma því að þessi maður sá aura í öllum hornum, eða hvað með verðhækkanirnar á heitavatninu í sumarblíðunni um árið. Kannski er eitthvað bitastætt í þessum pappírum sem hægt er að koma í verð. Starfslokasamningurinn hefur kannski ekki verið upp á nógu marga fiska.

Guðmundur tók gögn með sér

Athugasemdir

[Ragnhildur Kolka, 10.7.2008 kl. 08:27]

Stöndugt fyrirtæki eins og OR, sem hefur aðeins einn tilgang þ.e. að þjónusta íbúana í skjóli einokunar, getur gert ýmislegt.

R-listinn notaði fyrirtækið eins og mjólkurkú til að hylja botninn á þurrausnum fjárhirslum og dugði það þó engan veginn til. Að auki notaði Alfreð (með aðstoð Guðmundar) fyrirtækið eins og einkabanka til að spila með fjármuni Reykvíkinga. Má þar nefna Línu.net og risarækjueldið.

En það er rétt að OR hefur ráðist í virkjanaframkvæmdir, enda er hlutverk þess að sjá borgarbúum fyrir heitu vatni, Það var hins vegar Davíð Oddsson sem sá möguleikana í Nesjavallalandinu og festi kaup á því fyrir borgarbúa við mikla gagnrýni frá vinstri mönnum.

Perluna hefðir þú kannski átt að láta ógert að nefna því hún er djásnið í kórónu Davíðs og þar kom R-listinn hvergi nærri.