Spilavíti umhverfissinna, þar sem allir tapa.

Let´s face it, allt þetta bardús í kringum umhverfisvæna orku er bara enn ein leið samfélagssmiðanna  til að herja á vasa skattborgaranna. Heimurinn er ekki tilbúinn til að skipta yfir í svokallaða vistvæna orkugjafa. Ríkisstjórnir Vesturlanda geta rembst eins og rjúpur við staur (stein, skv nýrri venju) og eyðilagt allar náttúruperlur landa sinna en það breytir því ekki að tæknin er ekki enn á brúklegu formi. Vindorkuna þarf að niðurgreiða til að halda aftur af henni þegar virkilega blæs og sólarorkan kostar of mikið í framleiðslu. Spánn hefur horfst í augu við að grænstarfastefnan hefur beðið skipbrot. Hvert starf í þessum geira kostar um $800.000 og við hvert nýtt starf tapast 2.2 í öðrum starfsgreinum. Og orkukostnaður stefnir upp í heiðhvolfið. Bailout Obama til sólarorkufyrirtækisins Solyndra sem átti að skapa 1100 störf á hálfa milljón dollara stykkið er nú gjaldþrota. Engin störf voru búin til en 1000 starfsmenn sem fyrir voru í fyrirtækinu eru nú atvinnulausir. Svo virðist sem aldrei hafi annað verið í spilunum. Skattgreiðendur fá svo að axla byrðina af $535 milljóna fyrirgreiðslu Obama til styrktaraðila kosningasjóðs síns, því séð var til að veð fyrir fyrirgreiðslunni alríkisins var sett aftast í kröfuhafa röðinni. 

 

Ríkisstjórnir eiga að skapa skilyrði fyrir fyrirtæki til að starfa í og láta svo markaðnum eftir að finna leiðina til hagkvæmni. Gorískan sem greip um sig fyrir nokkrum árum er ekkert annað en púra kommúnismi. Þar tapa allir.

Mynd: www.telegraph.couk

 

Athugasemdir

[Haraldur Baldursson, 20.9.2011 kl. 15:51]

"Ríkisstjórnir eiga að skapa skilyrði fyrir fyrirtæki til að starfa í og láta svo markaðnum eftir að finna leiðina til hagkvæmni"

Heyr heyr !

Viska vinstri manna fann sína nýjustu málpípu í Svanhvíti Svavars(frábær niðurstaða í Icesave)dóttur.

Svör hennar við prýðishugmyndum Margrétar Pálu uppeldissnillings í auknu frelsi í kennslu voru :

a) Margrét Pála er ekki fræðimaður --> (please nefnið þá sem betur til þekkja...í eða utan fræðaheimsins)

b) Margrét Pála er hagsmunaaðili...-->það eru afskaplega fáir hérlendir sem eru það ekki !

c) Íslenska skólakerfið skapar jöfnuð.-->

Íslenska skólakerfið tryggir ekki jöfnuð, það minnkar mögulegan ójöfnuð, en það gerir meira....þar kæfir nýsköpun og heftir valkosti.

Í stöðu sinni sem ráðherra umhverfismála nær Svandís sýna allar hliðar hugmyndafátæktar vinstri manna þegar til rýmkunar atvinnutækifæra kemur. Kæfandi skattar, boð og bönn eru nánast trygging fyrir eymd.

Slævandi óvissa, hik og svæsin ákvarðantökufælni eru á góðri leið með að gera eitt ríkasta land í heimi að fanganýlendu.

[Ragnhildur Kolka, 21.9.2011 kl. 20:12]

Sæll Haraldur, gott að sjá að þú ert kominn aftur á kreik. Það er rétt úrtölur eru alltaf fyrsta viðbragð vinstrimanna ef einhver ætlar að gera eitthvað upp á eigin spýtur. Ef það dugar ekki þá eru sett lög sem banna það. 

En ef hægt er að útdeila auð annarra þá eru þeir ekki lengi að taka við sér.