Er ritstjórn DV ekki að verða búin að þurrausa brunninn?

Hirð Runólfs

DV flytur frétt:

DV er "óborganlegur" bleðill í öllum merkingum þess orðs. Á ritsjóninni ægir öllu saman og komist nafn, Davíðs Oddssonar, Bjarna Benediktssonar eða Björgólfs feðga ekki fyrir í frétt þá er þeim bara skapað pláss. Í hugum flestra er þetta kallað áráttuhegðun eða að hafa eitthvað á heilanum og er talið sjúklegt ástand þegar það er farið að hafa truflandi áhrif á hugsun og hegðun manna.

Dæmi um þetta er að í dag flytur DV stutta frétt um vinasambönd Rúnólfs Umba-Skuldara. Rætt er um einhvern Steinberg Finnbogason sem situr í "hirð Runólfs" og tekur að sér umsjón með kúluláni Umbans. Á óútskírðan hátt slæðist nafn Björgólfs (senior eða junior) inn í fréttina í stað nafns Runólfs og situr þar óáreitt.  Er Björgólfur þar sagður afneita kunningsskap við Steinberg með öllu. Ekki þarf nokkurn að undra þótt Björgólfur afneiti félögum Runólfs, enda ferðast þeir ekki á sama klassa og engar upplýsingar fylgdu fréttinni sem styðja þau tengsl. Fréttin opinberar einfaldlega ámátlega hugmyndafátækt ritstjórnar DV.

Ritstjórn DV er fyrir löngu búinn að þurrka þennan brunn sem hún hefur nú verið að ausa í allmörg ár? Sukkið í kringum Samfylkinguna er hinsvegar rétt núna fyrst að verða öllum ljóst og væri meiri bragur að ritstjórn, sem vill standa undir nafni, að takast á við fréttir dagsins en halda áfram að grafa sig niður í holu sem nú þegar er orðin þeim alltof djúp.

Mynd: www.dv.is

"Nú þremur tímum síðar er fréttin, sem var fyrsta frétt miðilsins í morgun, með öllu horfin. Skyldi ritstjórn hafa horfst í augu við eigin vanda"?

Athugasemdir

[Haraldur Baldursson, 3.8.2010 kl. 09:52]

DV hefur tekið að sér hlutverk fyrstu fiðlu í einelti á Bjarna Ben. Sjálfsagt má gagnrýna Bjarna fyrir ýmislegt, en þessi helreið á nafni hans og reyndar hreinar lygar um föður hans (sagður vera frímúrari...til að búa til samsærislykt) er komin langt út fyrir fréttamennsku og er engum fjölmiðli til sóma.

Ég hvet DV til að taka aðeins til hjá sér, gagnrýna menn fyrir stefnur og skoðanir, benda á raunverulega glæpi, eða siðleysi, láta af beinum lygum, en láta af persónuníði....

Vilji DV menn halda áfram á sömu leið finnst mér þeir ættu að bæta við sögum af geimverum, Elvis Presley fréttum (því hann hlýtur að vera lifandi) og Jesú-myndum í ristabrauði.....fara sem sagt alla leið í þá áttina að verða National Enquirer

[Ragnhildur Kolka, 3.8.2010 kl. 20:25]

Góð hugmynd Haraldur. Það þyrfti að benda þeim á DV á þessa  leið til frægðar. Reyndar hefur mér stundum fundist Pressan hafa valið sér þessa furðufréttaleið. En það er tími til kominn að menn rísi upp úr þessu persónuníðsfari og stundi fréttamennsku sem stendur undir nafni. 

Á meðan ekkert breytist á ritstjórn DV er blaðið og verður óhróðursbleðill. Það skiptir ekki máli hver er skráður eigandi, blaðið situr fast í forinni. Því kemst maður ekki hjá því að álíta að eigendaskrá sé í raun bara hringekja í þjónustu eins og sama aðila.

Komst ekki í samband við tengilinn þinn, en held ég viti hvað þar er að finna.

Takk fyrir innlitið.