Barnamaskínan Palin

Þessi ummæli Carol Fowler sýna hörkuna sem hlaupin er í kosningabaráttuna síðan Palin var útnefnd.

Feministar telja það með verstu glæpum að kona láti ekki eyða minnst einu fóstri yfir ævina. Síðan 1973 þegar Roe vs Wade dómurinn var kveðinn upp hefur > 40milljónum fóstra verið eytt í Bandaríkjunum, þ.e.a.s. skv skrám. Hve margar þær eru í raun veit enginn.

Hér á landi er líka harðsnúin klika sem ræður umræðunni um fóstureyðingar og vei þeim sem leyfa sér að andmæla.

Baðst afsökurnar á athugasemd um fóstureyðingu

Athugasemdir

[Guðríður Hrefna Haraldsdóttir, 14.9.2008 kl. 18:20]

Ég er femínisti og stórefast um að ég hefði farið í fóstureyðingu sjálf  þegar ég var í barneign ef þannig hefði staðið á. Ég vil að réttur kvenna til að ráða eigin líkama sé algjör og aðrir ráði því ekki hvort hún láti eyða fóstri. Það eru ekki allir femínistar eins, frekar en Skagfirðingar eða múslimar.

[Ragnhildur Kolka, 14.9.2008 kl. 19:46]

Palin er legið á hálsi fyrir að eiga of mörg börn og fyrir að eiga þennan fatlaða dreng. Hún lítur ekki á það sem refsingu að eignast barn og stendur með sinni sannfæringu. En þótt hún sé á móti fóstureyðingum þá hefur engin sýnt fram á að hún hafi í embættisfærslum reynt að hafa áhrif á löggjöf Alaska til að banna fóstureyðingar.

Það hefur heldur engan veginn verið sýnt fram á að fylgiskonur Hillary séu upp til hópa fylgjandi fóstureyðingum. Margar þeirra gætu því allt eins verið eins og þú, fylgjandi frjálsu vali en ekki endilega tilbúnar til að taka fullan þátt. Þær styðja Hillary hver á sínum forsendum.

Sjálf útiloka ég ekki að í vissum tilvikum sé fóstureyðing réttlætanleg, en ég styð ekki fóstureyðingar sem síðbúna getnaðarvörn, því öllum gerðum fylgir ábyrgð.

Það breytir því ekki að meira en 40 milljónum fóstra hefur verið eytt í Bandaríkjunum á þessum 35 árum sem liðin eru frá því dómurinn féll. Það er ekki eitthvað sem maður getur lokað augunum fyrir.