Hvað getur ISG lagt af mörkum

Mbl.is hefur eftir Ingibjörgu Sólrúnu "að það væri ekki skollið á efnahagslegt óveður enn á Íslandi þótt ýmsir váboðar sæjust". Skarplega athugað, en gæti ISG ekki lagt eitthvað af mörkum til að ýta þessum váboðum frá okkur? Eru ekki einhver gæluverkefni í hennar ráðuneyti sem mætti skera? Hvað með atkvæðaveiðarnar til Öryggisráðsins? Að leggja það til hliðar myndi spara okkur milljónir, jafnvel hundruð milljóna. 380 milljónir hafa nú þegar verið settar í verkefnið og Ólafur Ragnar á fullri ferð milli arabaríkja að snapa fylgi svo nú aðrir útsendarar séu ekki nefndir.

Kostnaðurinn nú er þó ekki nema brot af því sem ævintýrið mun kosta ef Ísland kemst inn. Flottræfilsháttur Íslendinga mun sjá fyrir því.

 

Ekki meiri bankabónus

Athugasemdir

[Vilhjálmur Örn Vilhjálmsson, 2.9.2008 kl. 16:28]

Mér er ómögulegt að skilja hvernig seta i Öryggisráði SÞ geti gagnast Íslendingum. Þetta er óstarfhæft ráð, sem getur svo að segja aðeins sameinast um eitt: að fordæma Ísrael. SÞ eru að verða óstarfhæfar vegna einsræðisríkja og glæpaþjóðfélaga, sem tekið hafa höndum saman um að koma í veg fyrir alla gagnrýni nema á Ísrael. Sjá hér

Ef Ingibjörg Sólarferð Gísladóttir telur að seta Íslands í þessu ráði sé nauðsynlegt, er það kannski vegna gífurlegrar löngunar hennar til að fordæma Ísrael, eða bara til þess að láta vasaljós sitt skína.

380 milljónir plús af skattpeningum þjóðarinnar, eru miklir peningar á krepputímum, til þess eins að eyða í persónulega perversjón utanríkisraðherra.

Ísland hefur ekkert að gera í Öryggisráð SÞ.

[Óskar Aðalgeir Óskarsson, 2.9.2008 kl. 16:35]

Ég fæ ekki betur séð en að ISG og hennar samferðarfólk í Samfylkingunni telji sig vera "stikkfrí" í efnahagsstjórninni.Þetta eru málefni Sjálfstæðisflokksins segir hún.

[Ragnhildur Kolka, 2.9.2008 kl. 16:45]

Vilhjálmur og Óskar,

Allt satt og rétt, ég hef engu við þetta að bæta.

[Páll Geir Bjarnason, 2.9.2008 kl. 17:34]

"380 milljónir plús af skattpeningum þjóðarinnar, eru miklir peningar á krepputímum, til þess eins að eyða í persónulega perversjón utanríkisraðherra."

Var þetta ekki komið í gang löngu áður en ISG varð utanríkisráðherra?

[Ragnhildur Kolka, 2.9.2008 kl. 18:43]

Jú, rétt hjá þér Páll. Sá armur Framsóknaflokksins sem trúir á yfirþjóðlegt vald, líkt og Samfylkingin gerir, hafði rekið þenna áróður um nokkurt skeið. Og vissulega kostaði það skilding, en Ingibjörg Sólrún hefur farið hamförum í eyðslunni og stuðning vill hún sækja til þjóða sem þekktar eru fyrir mannréttindabrot.

Eins og Vilhjálmur Örn segir hér að ofan, þá "eru (SÞ) að verða óstarfhæfar vegna einsræðisríkja og glæpaþjóðfélaga" sem gæta eigin hagsmuna. Við þurfum ekki annað en minnast Georgíu, Zimbawe og Súdan til að gera okkur grein fyrir hvernig ástandið er á því heimili.

Eftir stendur spurningin um hvort ISG geti ekki lagt lóð á vogarskálarnar í þrengingum þjóðarinnar, eða er þetta gæluverkefni þýðingarmeira en buddur landsmanna?

[Páll Geir Bjarnason, 2.9.2008 kl. 21:05]

Mannréttindarbrot eru líka framin af ríkjum Vesturlanda. Þ.m.t. okkur.

[Ragnhildur Kolka, 3.9.2008 kl. 08:13]

Skilgreiningin á því hvað eru mannréttindi hefur farið nokkuð á skrið hér á Vesturlöndum. Ég get t.d. ekki tekið undir fullyrðingar Bolvíkinga að það sé mannréttindabrot að geta ekki horft á enska boltann í beinni.

Það er hins vegar mannréttindabrot þegar fólki er meinað að tjá skoðanir sínar, þegar það er líflátið fyrir að skipta um trú eða grafið lifandi fyrir að verða fyrir nauðgun.