Verður forsetinn viðstaddur?

Af fréttum undanfarið að dæma þá hlýtur þessi spurning að vakna. Hjó eftir því að þegar Fréttablaðið innti forsetann um ferð hans á Ólympíuleikana í Kína (þessa umdeildu), þá var það viðtal tekið í New York.

Hvað dvelur forsetinn marga daga á ári á Íslandi? Hverjar eru embættisskyldur hans í útlöndum? Hvaða útrás sinnir hann þessa dagana? 

Götum lokað vegna embættistöku

Athugasemdir

[Jakob Falur Kristinsson, 31.7.2008 kl. 15:56]

Mér finnst ósköp eðlilegt að forseti Íslands fari á Ólympíuleikana.  Þetta er íþróttaviðburður og á ekki að snúast um stjórnmál í Kína.  Þótt forsetinn ferðist mikið erlendis þá er hann líka að vinna fyrir Íslands hönd.  Það eru mörg viðskiptasamböndin sem hann hefur komið í gegn í þessum ferðum sínum.  Hann er orðin virtur á alþjóðavettvangi og við eigum að vera stolt af því.  Með allri þeirri tækni sem til er í dag getur forsetinn auðveldlega sinn sínum embættisskyldum hér á landi þótt hann sé erlendis.  Svo má ekki gleyma því að nú tekur ekki nema nokkra klukkutíma að komast til Íslands frá flestum stöðum í heiminum.  Ég er hræddur um að' margir fari erlendis á kostnað ríkisins, sem eiga þangað minna erindi en Ólafur Rafnar Grímsson.

[Ragnhildur Kolka, 31.7.2008 kl. 16:37]

En heldurðu að hann verð viðstaddur innsetninguna?

Hvað útrásina varðar og aðstoð forsetans, þá má benda á að sendiherrar eru á launaskrá hjá íslenska ríkinu til að sinna samböndum viðskiptalífsins við erlenda aðila. "Útrásinni" lauk fyrir ári síðan. Nú þegar veislunni er lokið sést að hún var ekki annað en nútíma útgáfa af ævintýri H.C.Andersens um nýju föt keisarans.

Uppgjör fyrirtækjanna sýna að "útrásin" skilaði engu, þarna voru bara ungir menn á flippi með ótakmarkaða flugfarseðla (svo þotur) og með krumlurnar á kafi í fjárhirslum bankanna. Forsetinn tók þátt í geiminu.

Nú hefur hann ekki lengur afsökun fyrir fjarvistunum og þá kemur í ljós að hann er enn bara að sinna eigin hagsmunum, sbr. fréttin um Sri Lanka sendiherrann og tilboð forsetans, sem forsetaskrifstofan er nú á handahlaupum við að kveða niður.