Skapaði brottrekstur Davíðs ekki traust?

Eyjan fjallar um dræmar heimtur í ríkisskuldabréfaútboði Seðlabankans fyrir helgi. Vitnað er í Vilhjálm Egilsson hjá SA og aldrei þessu vant kemur hann sér upp úr ESB hjólförunum og ræðir um að fjárfesta skorti traust á atvinnulífið. Nefnir Vilhjálmur kollhnísinn sem Hafnfirðingar tóku vegna stækkunar álversins þar í bæ.

Sú aðferðafræði sem þar var beitt mun ekki fljótt úr minni renna. Menn í bisniss vita nokk hverjum er treystandi fyrir peningunum sínum og hverjum ekki. Hrokatittirnir í Hafnafirði sem þoldu ekki tilhugsunina að lífsafkoma þeirra kæmi ekki af himnum ofan sitja nú uppi með mannauð blokkarhverfi svo langt sem augað eygir. Ólafur Teitur Guðnason gerir hins vegar grein fyrir þeim 19 milljörðum sem eftir verða í landinu af starfsemi Alcan í grein í nýjasta hefti Þjóðmála.

En Vilhjálmur nefnir líka að til að laða að fjárfesta þurfum við að vera opnari, sýna fagleg vinnubrögð, standa við það sem sagt er og breyta ekki leikreglum. Beinna er varla hægt að skjóta á gleðigjafana sem nú stýra landinu. Hvað vita menn meira um landsmálin nú en áður en Jóhanna verkstjóri tók að sér að leiða byltingarsinnana til vegs (virðing kemur víst ekki inn í dæmið).

"Faglegu" vinnubrögðin við brottrekstur Davíðs úr Seðlabankanum áttu víst að sanna umheiminum að við værum traustsins verð. Þau áttu að skapa traust á SÍ. Er nú líklegt að það hafi gerst? Voru menn ekki bara að fá útrás fyrir heift og hatur á einum manni. Hver treysti ekki Seðlabankanum undir stjórn Davíð Oddssonar? Seðlabankastjórar heimsins? Ábyrgðarlausir hagfræðingar með pólitískann málstað?Trommuslagararnir úr VG eða bílabanarnir úr SF? Var ástæða til að reka þrjá framúrskarandi fagmenn úr starfi til þess eins að fullnægja lægstu hvötum valdhafa og þörfum skrílsins sem kallaði sig því háðuglega nafni Raddir fólksins?

Það hefur nákvæmlega ekkert komið fram sem bendir til að traust erlendra fjárfesta hafi styrkst við brottrekstur Davíðs. Aðeins 13 milljarðar af þeim 20 sem þörf var á fengust út á nafn dularfulla hótelstjórans sem nú situr í hásæti Seðlabankans. Og þó er hann norskur og fenginn til verksins fyrir tilstilli vinatengsla Steingríms J. og núverandi valdhafa Íslands, NORSARANNA.

Við erum ekki að sjá að þessi nýi bankastjóri sé að gera neitt sem vekur traust fjárfesta. Hvorki fyrir heimilin, atvinnulífið eða umheiminn. Vextir lækkaðir um 1% þegar verðbólgan er komin á núll og ef litið er til gengis krónunnar sem átti umsvifalaust að styrkjast við það að fá svo tryggan mann í bankann þá má benda á að í dag stendur krónan í 114.18 miðað við dollar. Daginn sem Davíð kvaddi starfsmenn sína stóð krónan í 112.39 gagnvart dollar og síðan þá hefur dollarinn fallið.

Hvar er allt traustið?

Það er æ betur að koma í ljós að traust erlendra fjárfesta hafði aldrei neitt með veru Davíðs í Seðlabankanum að gera. Skorturinn á faglegum vinnubrögðum var nefnilega ekki hjá SÍ heldur hjá þessum sjálfumglöðu loddurum sem nú ráða yfir Ísland. Fólkið sem heldur að pólitískar hreinsanir í embættismannakerfinu í anda Sovétríkjanna séu líklegar til að vekja traust út á við. Fólkið sem segist ætla að byggja upp atvinnuvegina en kemur sér ekki saman um neitt annað en að banna strípstaði og afnema þannig atvinnufrelsi fólks.  Fólkið sem slær úr og í hvað orkufrekan iðnað varðar. Fólkið sem nú íhugar Lálandsleiðina á tíma þegar heimurinn er krunk. Hýrastýra og félagar hafa nefnilega ekki enn áttað sig á að kreppan var ekki Davíð að kenna. Við erum í miðri heimskreppu.

Hagalagða- og fjallagrasadraumar Steingrímur J. og Co sem helsta útflutningsafurð þjóðarbúsins munu ekki rætast í þessari umferð. Ef fer sem horfir mun okkur ekkert veita af að nýta þessar afurðir okkur sjálfum til viðhalds og viðurværis.

Jóhanna hefði sýnt meiri stjórnkænsku ef hún hefði haldi Davíð í Seðlabankanum. Hún hefði þá, að minnsta kosti getað kennt honum  um ófarirnar. Nú situr hún uppi með glæpinn.

Athugasemdir

[Sigurgeir Orri Sigurgeirsson, 25.3.2009 kl. 17:59]

Ég vona að einhver taki að sér að setja í graf ferli vísitalna og annarra tölulegra mælikvarða fyrir og eftir brottrekstur Davíðs. 

Það er sérstaklega ánægjulegt að nú sé komið í ljós að heimskulegar ákvarðanir yfirvalda í Hafnarfirði (erlendar lántökur og að taka ekki afstöðu til stækkun álversins) eru Sjálfstæðisflokknum í ríkisstjórn að kenna.

[Baldur Hermannsson, 28.3.2009 kl. 22:05]

Hafnfirðingar hafa illa ávaxtað sitt pund, elskan mín. Kratarnir færðu byggðina alltof nálægt álverinu og sinntu ekki viðvörunum. Hver vill hafa álver upp við eldhúsgluggann sinn? Ekki ég og þess vegna greiddi ég atkvæði GEGN stækkun.

[Ragnhildur Kolka, 29.3.2009 kl. 09:24]

Álverið var til staðar og eldhúsgluggarnir voru fluttir að því.

Kratarnir léku sinn gamla leik að slá í og úr. Seldu Alcan lóð til að byggja á en létu síðan kjósendur um að hafna álveri. Þetta er kallað að vilja bæði eiga og éta kökuna. Það má vera að slík fyrirgreiðsla sé tekin góð og gild í Hafnarfirði, en þar sem samningar eru teknir alvarlega kallast þetta að fífla kúnnann.

Velkominn aftur til leiks, Baldur.

[Baldur Hermannsson, 29.3.2009 kl. 10:19]

Takk Ragnhildur. Hafnfirðingum fórst í raun illa við álverið, það verður bara að segjast eins og er, en við hverju er að búast þar sem vinstri menn stjórna? Þeir hafa aldrei getað hugsað fram í tímann.

[Svavar Guðmundsson, 29.3.2009 kl. 14:30]

Góð grein hjá þér Ragnhildur, commentin eru fram komin af ofan sem ég vildi segja, en mér finnst orðfærið skemmtilegt í greininni, "dularfulla hótelstjórann" og "hýrastýra" og fjallagrasa Steini.

Eitt sem víst er að þessir afturhaldsinnar vita ekki að, það kostar peninga og fórnir að búa til peninga, þeir koma ekki að himnum ofan eins og þú bendir réttilega á, fjármálsérfræðingum Hafnarfjarðar og öðrum Hafnfirðingum til ævarandi skammar

[Ragnhildur Kolka, 29.3.2009 kl. 15:00]

Sæll Svavar takk fyrir innleggið. Vil þó taka fram að ég geri ekkert tilkall til nafngiftarinnar "hýrastýra". Það hef ég frá bloggvini mínum Postdoc. Hann leiðbeindi líka um refilstigu enskrar tungu, þyrfti maður á því að halda,þ.a.l. the Gay Cabinet. Alltaf gott að kunna skil á réttum hugtökum.