Fyrirsjáanleiki vinstri viðhorfanna

Vinstri viðhorfin eru alls staðar eins. Ef við setjum Davíð Oddsson í stað Palin, Heimssýn í stað Teboðsins og Sjálfstæðisflokkinn í stað hægri stefnu má yfirfæra þessa mynd á Ísland. Sumir mundu kalla þetta þráhyggju, aðrir þröngsýni en líklega falla þessar skoðanir bara undir forheimskaða tækifærismennsku sem fer reglulega um heimsbyggðina eins og hver önnur Asíu-flensa. Hér á landi betur þekkt þekkt sem Davíðs Oddsonar heilkennið.

Og ekki breytast viðhorfin þegar kemur að náttúrulegum hamförum. Vinstri menn hafa alltaf sömu svörin og þau eru nú holdgerð í Steingrími Joð sem manna auðveldast á með að snarsnúast á meiningunni, sbr. ESB aðlögunina og AGS afstöðuna. Breytingar á veðurfari, sem þekkst hafa í gegnum aldirnar segja þeir nú vera á ábyrgð Vesturlandabúa sem bruðli með orku. HLÝNUN af mannavöldum heitir það í dag, þó að fyrir nokkrum árum hafi vitringarnir (sic) spáð okkur FIMBULVETRI.  Hvert sem ástandið er þá er það alltaf af okkar völdum.

Its a "no-win situation", en alltaf fyrirsjáanleg.

 

Mynd: www.townhall.com

Viðbót dagsins 17.01.2011.   Einhver lesandi síðu minnar var svo vænn að senda mér link inn á visir.is sem tengist beint og styður fullyrðingu mína um DO heilkennið. Og eins og sést þá eru sumir sjúkdómar einfaldlega ólæknandi. Alltaf vel þegið að fá stuðning við staðhæfingar sínar.

Athugasemdir

[Haraldur Baldursson, 16.1.2011 kl. 19:04]

Heyr heyr !

Umfjöllunin um Teboðið í íslenskum fjölmiðlum endurspeglar enn og aftur ískyggilega þröngsýni þeirra vinstri afla sem þar ráða ferðum.

Þvert á móti væri það afskaplega gagnleg rýni að skoða hvað þau hafa að segja og máta það sem máta má á íslenskt samfélag. Samneysla og skattar er ekki svarið við þróun á Íslandi. Ræðum í það minnsta hugmyndir Teboðsfólksins. Niðurstaðan verður örugglega ekki sú sama fyrir Ísland, en umræðan gæti reynst okkur fræ að hugsun sem færir okkur nær betra samfélagi, samfélagi fyrir alla íslendinga.

[Ragnhildur Kolka, 16.1.2011 kl. 19:56]

Satt segir þú, Haraldur. Ísland verður seint borið saman við BNA og því síður teboðshreyfinguna. Við höfum þróast í átt að Norðurlöndum hvað samneyslu varðar og skattar eru hér að verða skelfilegir.

Teboðið vill minni ríkisafskipti og þar með skatta. Teboðið vill hlut einstaklingsins í eigin ákvörðunum meiri. Og ekki undrar það mig eftir að hafa lesið bókina hér til hægri: The Nanny State. Boð og bönn að ofan hafa náð ógnvænlegum hæðum í BNA. Meira en mann gæti grunað og í ríkjum eins og CA, NY og Ill þar sem demókratar hafa ráðið lögum og lofum áratugum saman er ástandið verst. Enda öll þessi ríki á barmi gjaldþrots.

Teboðið vill taka líf sitt til baka, bera ábyrgð á því án Stóra Bróður andandi niður um hálsmálið.

Skattar og ríkisafskipti eiga að vera í umræðunni í dag, því límsæt vinstristjórn, Lýðheilsustöð og Maddama Storgaard eru í sameiningu að taka yfir líf okkar.

.

[Haraldur Baldursson, 16.1.2011 kl. 22:26]

Hlæjandi, en hjartanlega sammála....

[Gunnar Rögnvaldsson, 16.1.2011 kl. 23:28]

Takk fyrir teið Ragnhildur!

[Ragnhildur Kolka, 17.1.2011 kl. 08:25]

Haraldur og Gunnar, þakka ykkur fyrir innlitið.

[Haraldur Baldursson, 17.1.2011 kl. 22:18]

Ávalt ánægjulegt...ég verð að fara að kynna mér betur þessar bækur hérna hægra megin við færslurnar. Áhugavert að fá ábendingar um gersemar, sem annars kæmust undan athygli.

[Ragnhildur Kolka, 17.1.2011 kl. 22:59]

Blessaður Haraldur, ég get líka mælt með bókinni The Big Sort, sem fjallar um pólariseringu í bandarískum stjórnmálum. Áhugavert að sjá hvernig fólk dregst saman eftir pólitískum skoðunum, efnahag eða trúhneigð. Of mikil einsleitni í skoðunum er engum holl.

Þetta ætti ég að vita eftir að hafa unnið í ríkisgeiranum í meira en 30 ár. Þá áttar maður sig á hvers vegna atvinnuleysið er því sem næst allt á almenna markaðnum. Steingrímur og Jóhanna hafa staðið dyggan vörð um ríkisbánkið því þar eru kjósendur þeirra samankomnir en masse. 

[Gústaf Níelsson, 19.1.2011 kl. 20:56]

Og ekki má gleyma Silvio Berlusconi-heilkenninu. Vinstrimenn væru illa settir hefðu þeir hann ekki til að berja á.

[Ragnhildur Kolka, 19.1.2011 kl. 23:08]

Satt segir þú Gústaf. Berlusconi er þeim sérstaklega mikilvægur núna eftir að George W Bush hvarf af sjónarsviðinu.

Hef stundum velt fyrir mér hvort þessi obsessíva hópþörf á að hatast við einstaklinga geti verið líffræðileg.

Hugsanlega skortur á nauðsynlegum taugaboðefnum?

[Elle_, 28.1.2011 kl. 23:39]

Merkilegt hvað tekst að kenna einum manni um alla hluti.  Og sakleysið lekur af ICESAVE-STJÓRNINNI.  En Gunnar, ertu nokkuð búinn með allt teið?

[Gunnar Rögnvaldsson, 28.1.2011 kl. 23:42]

Nob. 

Brewing, brewing, brewing .. ;)