Já, gerum eitthvað annað

Um að gera, göngum í Evrópusambandið svo við getum haldi áfram að láta einhvern annan sjá um okkur. Þetta viðkvæði er orðið ansi þreytt. ASÍ er á bólakafi í leiknum "gerum eitthvað annað" ásamt Samfylkingunni. Allt annað en takast á við vandamálið sem við blasir. Þó er ASÍ í forsvari fyrir vinnandi fólk, sem er að missa vinnuna þessa dagana. ASÍ ber að leggja stjórnvöldum lið, þ.e. þeim helming sem er að vinna í að koma hreyfingu á málin. Í staðinn tönglast hinn nýkjörni forseti á því að við eigum að ganga í ESB.

Hvaða laun þyggur Gylfi fyrir að bera út ESB trúboðið?

 

 

Staðan ekki alvarlegri síðan í móðuharðindunum

Athugasemdir

[Villi Asgeirsson, 1.11.2008 kl. 21:17]

Björk er að gera meira gagn en ASÍ.

[Ragnhildur Kolka, 2.11.2008 kl. 09:10]

Allt gott um Björk að segja, en hún er að vinna á þeim grunni sem lagður var á síðasta kjörtímabili í nýsköpunarmálum. Þá voru miklir peningar lagðir í nýsköpunarverkefni. Mörg eru farin að skila árangri.

Hitt er annað, að þrátt fyrir að ostagerð á hlaðinu sé eitthvað sem flestir geta verið sammála um, (þá einkum vegna þess sjálfsagða frjálsræðis sem í henni felst) þá er þar ekki um gjaldeyrisskapandi atvinnutækifæri að ræða. Gjaldeyrir er það sem við þurfum á að halda núna.

ASÍ hefur um nokkurt skeið unnið skipulega að koma okkur inn í ESB. Inngöngu þangað mun fylgja viðvarandi atvinnuleysi. Mér er fyrirmunað að skilja hvers vegna samtök sem eiga að sjá um hag vinnandi fólks eyði öllum sínum tíma í að tryggja  skjólstæðingum sínum slík örlög.