Minntist einhver á opinn tékka?

Þeir eru skemmtilega ruglaðir þessir Samfylkingarmenn. Dögum saman höfum við mátt hlusta á sönginn um opnu tékkana sem nýr borgarstjórnarmeirihluti  gaf út með kaupunum á Laugavegskofunum. Og hvað gerist svo?

Viðskiptaráðherra lýsiti því yfir í kvöld að "ekki komi til greina að missa viðskiptabankana úr landi". Ef fúahjallarnir á Laugaveginum eru tilefni fyrir Samfylkinguna að leggjast í látlaus krampaflog, hvað segja þeir þá um ætlun Björgvins G. að þvinga bankana til að starfa á Íslandi? Borgin greiddi hátt í 600 milljónir fyri kofaræksnin. Uppgjör bankanna eru að birtast þessa dagana og þar er hagnaðurinn að skríða upp tugi milljarða. Hvað ætlar Björgvin að reiða fram til að halda bönkunum í landinu?

Fólk sem trúir því að skuldin hverfi við það að ríkið taki hana á sig kippir sér líklega ekki upp við yfirlýsingar viðskiptaráðherrans. Mér rennur kalt vatn milli skinns og hörunds.

Athugasemdir

[Gunnar Ásgeir Gunnarsson, 9.2.2008 kl. 10:52]

Sæl Ragnhildur

Pistlarnir þínir eru með þeim bestu hér á Mbl blogginu. Hnitnir, stuttir og frumleg sjónarhorn, ég les þá alltaf.

Kveðja Gunnar

[Ragnhildur Kolka, 9.2.2008 kl. 21:38]

Gott að heyra að einhver hlustar. Hef stundum á tilfinningunni að ég sé ekki bara á skjön, heldur líka anakrónísk.