Leita í fréttum mbl.is

Hvað eiga loftslagsvísindin, Jónína Ben og Indrið H. sameinginlegt?

MEÐ ALLT NIÐRUM SIG

Með allt niðrum sig.
Hvað eiga loftslagsvísindin, Jónína Ben og Indrið H. sameinginlegt?

 

From: Phil Jones
To: “Michael E. Mann”
Subject: IPCC & FOI
Date: Thu May 29 11:04:11 2008

Mike,

Can you delete any emails you may have had with Keith re AR4?
Keith will do likewise. He’s not in at the moment – minor family crisis.
Can you also email Gene and get him to do the same? I don’t
have his new email address.

We will be getting Caspar to do likewise.

I see that CA claim they discovered the 1945 problem in the Nature paper!!
Cheers

Phil

philjones1Kannast einhver við manninn, Phil Jones? Þetta er náunginn sem á stóran þátt i því að í dag sitja þjóðir heims á ráðstefnu í Kaupmannahöfn til að skipuleggja hvernig flytja má milljarða á milljarða ofan inn í einhverja framtíð sem enginn veit hver verður. En Phil er stoð og stytta æðstuprestanna í loftslagshofinu sem um þessar mundir predika endalok mannkyns. Loftslagstrúin er nýjasta útgáfan af heimsendatrú þótt nú sé hún kölluð umhverfisvernd. Enda á hugtakið TRÚ ekki uppá pallborðið hjá umhverfissinnum. En loftslagstrúin á það sameiginlegt með öðrum trúarbrögðum að ala á sjálfsásökuninni. Æðstuprestarnir, sem aldir voru upp á fimbulvetrarkenningu kaldastríðsáranna sem aldrei rættist, vissu að söfnuðurinn beið enn eftir sínum messíasi. Allur auður heimsins félli þeim í skaut sem vakið gæti trúareldinn á ný. Neistinn kviknaði og varð að báli. Véfréttin (Goracle) talaði og söfnuðurinn féll fram, jafnvel í Háskólabíó. Engra frekari sannana þurfti við, málið var útrætt. Milljarðar í vasa æðstuprestanna.

En í hverri Paradís leynist snákur og Phil var bitinn. Phil sem áður var bjargvættur heimsins varð uppvís að því að falsa gögn og greip þá til þess að eyða þeim. Delete takkinn leysti vandann. En efinn hélt innreið sína í hið helga musteri og nú þarf söfnuðurinn að stoppa uppí öll vit til að þurfa ekki að móttaka sannleikann. 

Þrýst er nú á samstarfsmenn Jones á Veðurfræðistofnuninni bresku að skrifa undir yfirlýsingu um traust þeirra og trúnað við ríkisstjórnina. Um 1700 vísindamenn hafa nú skrifað undir en sitja þá uppi með glæpinn, því þegar vísindamaður snýr baki við vísindunum til að gangast undir klafa pólitískra hagsmuna, þá hefur hann glatað trúverðugleikanum. Al Gore, sem er líklega fyrstur æðstuprestanna til að verða miljarðamæringur, reynir að hrista af sér slímið sem nú er farið að þekja fræðin. Gore segir þetta 10 ára gömul gögn en staðreyndin er sú að nýjustu póstarnir eru aðeins tveggja mánaða gamlir. Gore mætti snemma til leiks á trúarhátiðina í Kaupmannahöfn svo ljómi hans mætti leika um allan þingheim, en nú fer minna fyrir honum. Auglýstri samkomu þar sem hann ætlaði að bjóða almenningi að snerta pilsfald sinn fyrir litla $1200 hefur nú verið aflýst. 3000 heittrúaðir Danir mega nú hírast án blessunar og ástæðan er sögð tölvupóstar bresku Veðurfræðistofnunarinnar. 

Samkvæmt viðteknum leikreglum reyna nú prestarnir að koma sökinni á hakkarana. En eins og Jónína Ben og Indriði H. komust að við illan leik, þá eru hakkararnir sleipir.  Þeir stunda iðju sína nótt og dag og það heyrist stöðugt dripp, dripp, dripp. Í þetta sinn innan úr musterinu sjálfu. Niðurstaða ráðstefnunnar lá nefnilega fyrir áður en límúsínurnar og einkaþoturnar komu til Köben. Fulltrúar þróunarríkjanna eru æfareiðir vegna lekans sem leitt hefur í ljós að Kaupmannahafnarráðstefnan er ekkert annað en leiktjöld fyrir sýndarvísindi, loforðaglamur pólitíkusa og trúarbragðaiðnaðinn sem ætlar sér að drottna yfir okkur eins og kaþólska kirkjan forðum. Hagkerfi skulu lögð í rúst, því öllu fé skal nú veitt í farveg ofurstofnana eins og Alþjóðagjaldeyrissjóðsins og til vara undirstofnana Sameinuðu þjóðanna. Til að byrja með á að ryksuga ríkiskassa Vesturlanda uppá $200 til 210 milljarða. Það er bara upphafið. En hvernig urðu þessar stofnanir fyrir valinu til að deila og drottna? Hafa þær sýnt hæfni til að meta ástand heimsins? Sáu þær fyrir HRUNIÐ, ef svo, því komu þær ekki í veg fyrir það? Og ef þær sáu það ekki fyrir, hverjar eru þá líkurnar á að þær geti séð fyrir efnahagsástand heimsins eftir 20, 30 eða 40 ár? Til að ná þessu fram hafa vísindamenn, eins og Jones, beitt sjónhverfingum, kúgun og ritskoðun til að soga til sín fé og þjónusta stjórnmálamanna sem þrá að koma á sovésku skipulagi með annarra fé. Tölvupóstarnir, sem í síðasta mánuði komu fyrir sjónir almennings, bera vitni um að (minnsta kosti sumum) vísindamönnum er ekkert heilagt. 

Það sem þarna fór forgörðum var sannleikurinn sjálfur.

Fórnarlamb HMVÁ öðrum degi ráðstefnunnar, þar sem 15,000 ráðstefnugestir, 5,000 fréttamenn og fylgihnettir mættu til leiks, kom í ljós að það var alsendis ótarfi að losa þessi 41,000 tonn af koltvísýringi sem ráðstefnan skilar útí andrúmsloftið. Lokaniðurstaðan lá jú, fyrir.

Þróunarríkin segja að það eigi að láta þau borga brúsann. Upphaflega samningnum, sem gerður var undir verndarvæng Sþ, hafi verið kippt úr sambandi. Þau telja að samstöðu þróunarríkja verði sundrað með því að stiggreina þau í lífvænleg eða "viðkvæm" ríki. Þau halda því ennfremur fram að fátækar þjóðir muni aðeins fá að losa 1.44 tonn af kolvetni á mann á meðan ríkari þjóðir fái að losa 2.67 tonn. Þetta síðasta er athyglisvert m.t.t. að manntonnin sem losuð eru núna liggja á bilinu 0.58-29. Var einhver að tala um að setjast að samningaborði?

En í þessu ljósi þarf kannski að skoða loforð Baracks Obama um að Bandaríkjamenn muni árið 2050 losa 83% minna en þeir gerðu 2005. Er það trúverðugt? Georg Will hjá Washington Post segir að þetta loforð setji Bandaríkjamenn á par við losun árið 1910 þegar Ameríkanar töldu 92 milljónir. Árið 2050 verða þeir u.þ.b. 420 milljónir og loforð Obama hljóðar því upp á losun nálægt því sem var árið 1875. Er Obama ekki bara að segja okkur að svín geti flogið? FlyingPigsMeð öðrum orðum er sá væni maður ekki bara að ljúga? Og hver er trúverðugleiki Evrópuríkjanna sem setja þjóðum sínum sífellt strangari reglur um hvað megi og hvað megi ekki. Sparperur að viðlögðum refsingum, fretpoka á beljur og vistvæna bíla sem enginn hefur efni á að kaupa. En hefur neysla eitthvað minnkað? Hafa þessar reglur minnkað kolvetnisspor ESB? Já, reyndar, en það er bara partur af sjónhverfingunni, því ekki hefur ástand heimsins batnað eina agnarögn. Framleiðsla neysluvarningsins hefur bara verið flutt um set; hinu megin á hnöttinn til Indlands og Kína sem að öllum líkindum verða orðnar herraþjóðir okkar eftir 20-30 ár.

Og Kínverjar sýna nú snilld sína. Þeir eru að verða búnir að ná tökum á orðfærinu sem best gengur í æðstuprestana. Þeir mæta með sína delegasjón til Köben og segjast ætla að draga úr "kolvetnisþéttleika" sínum, þ.e. þeir ætla að minnka kolvetnislosun per framleiðslu einingu. Þetta hljómar vel, en hvað merkir það? Þeir ætla ekkert að minnka framleiðsluna, frekar að auka hana, því einhver verður að framleiða svo hamingjudraumar okkar rætist. Ódýra skó, ódýr leikföng, ódýrt líf. Já allt skal kaupa ódýrt frá Kína. Allt nema ódýrar virkjanir. Hræsni Íslendinga ríður nefnilega ekki við einteyming frekar en hjá öðrum. Starfskraftar Kínverja voru ekki vel þegnir þegar Impreglio ætlaði að spara sér nokkrar krónur með því að flytja ódýra Kínverja inn til að virkja á Íslandi.  Þá vildu Íslendingar allt í einu að fullt verð skyldi gilda. Og til að tryggja að við förum ekki að álpast til að gleyma því ætlar umhverfisráðherra Íslands að leggja virkjanakosti okkar á altari Al Gore í Kaupmannahöfn.

Sumir hætta aldrei að tilbiðja sinn guð. Sovétríkið á nú að raungerast í dreifingu auðs í nafni umhverfisverndar. Á meðan önnur þróunarríki* búa yfir nægri lífslöngun til að klóra í bakkann þegar illa árar, er Svandísarheftarinn, rétt eins og faðir hennar, að tryggja að við sem þjóð fáum að hírast á hnjánum meðal þjóða heims. Aldrei nóg eftirgefið. Líklega er Ísland eina þróunarlandið sem sjálfviljugt gefur frá sér réttinn til að standa stolt meðal þjóða. Ekki einu sinni heldur tvisvar og koma þar feðginin við sögu í bæði skiptin .

*Icesave gerir okkur að þróunarríki 

 Mynd 1: www.townhall.com

Mynd 2: co2realist.com

Mynd 3:www.townhall.com

Mynd 4: www.baltimoresun.com

Viðauki við fyrri færslu:

Upplýsandi myndband um meðferð óþægilegra mála í Kaupmannahöfn

http://biggovernment.com/2009/12/11/un-security-stops-journalists-questions-about-climategate/#more-44722


« Síðasta færsla | Næsta færsla »

Athugasemdir

1 Smámynd: Gústaf Níelsson

Þarfur pistill Ragnhildur. Það kemur æ betur í ljós að keisari loftlagsvísindanna er klæðalaus. Næsta efnahagsbóla heimsins mun væntanlega eiga rætur sínar í mörg þúsund milljarða viðskiptum með útblásturs- og mengunarkvóta, sem eru auðvitað óefnisleg og algerlega tilbúin verðmæti. Það fer að verða efnahagsleg nauðsyn að viðhalda lyginni. Hvernig skyldi útblásturskvóti ríkisflugfélagsins Iceland Air vera færður í bókum félagsins. Fróðlegt væri að vita?

Gústaf Níelsson, 12.12.2009 kl. 00:00

2 Smámynd: Gunnar Rögnvaldsson

Takk fyrir fínan pilstil Rargnhildur

Gunnar Rögnvaldsson, 12.12.2009 kl. 03:33

3 Smámynd: Ragnhildur Kolka

Þakka ykkur fyrir innlitið, herramenn. Og Gústaf, bólan er nú þegar farin að blása út og enn er kúgunaraðferðum beitt. Vilji einhver staldra við og íhuga málið, t.d. skoða hvers vegna engin hlýnun hefur átt sér stað síðastliðin 10 ár, þá kýla yfirvöld bara á það. Svandís afhendir Kyoto-undanþágu okkar og Umhverfisstofnun BNA sendir út tilskipanir sem sniðganga vilja þingsins. ESB býr svo vel að þurfa ekki að taka neitt tillit til þegnanna.

Við erum að sjá sífellt meira gerræði í athöfnum stjórnvalda, en vegna hins trúarlega yfirbragðs aðgerðanna þorir fólk ekki að andmæla.

Og þetta er fólkið sem hæddist að trúarvitund George W Bush. Hahaha

Ragnhildur Kolka, 12.12.2009 kl. 09:19

4 Smámynd: Gunnar Rögnvaldsson

By the way:

Hvað varð um gatið í OZON-dægurlaginu? Heimurinn var jú að farast út af þessu gati fyrir nokkrum árum. Einhver sem veit hvað varð um þetta gat? Það skyldi þó ekki hafa átt sér náttúrlegar orsakir og skýringar. Jú, reyndar.

Gunnar Rögnvaldsson, 12.12.2009 kl. 09:52

5 Smámynd: Ragnhildur Kolka

Gott að þú minntist á OZON-lags gatið, Gunnar. Eins afkáralegt og það hljómar, þá virðist gatið hafa "gufað" upp, rétt eins og súra regnið og fimbulveturinn.

Það sannast hér  einu sinni enn að umhverfisvernd er eingyðistrú, aðeins einn guð ræður þar ríkjum á hverjum tíma. Það vekur þó athygli að þessi svokölluðu unnendur náttúrunnar skuli eiga jafn erfitt með að átta sig á duttlungum hennar. 

Rökstuðningur þessarar trúariðkunnar, ef hann er þá til, hefur í raun ekkert með náttúruna að gera. Hann er hreinræktuð pólitísk hugmyndafræði sem birtist í áráttunni að flytja til peninga annarra. Sést best þegar hugmynd George Soros er skoðuð. Peningarnir sem margmiljarðamæringurinn vill senda í heimsreisu eiga að koma frá AGS. Sína peninga ætlar hann að geyma áfram undir koddanum.

Ragnhildur Kolka, 12.12.2009 kl. 13:07

6 Smámynd: Gústaf Níelsson

Opinber rannsókn ætti að fara fram á atburðarrásinni, sem þetta myndband sýnir. Maður vart trúir sýnum eigin augum. Það er engu líkara en að umhverfisfasismi af einhverju tagi sé í þróun, og það örri.

Gústaf Níelsson, 12.12.2009 kl. 13:41

7 Smámynd: Gunnar Rögnvaldsson

Þetta er einungis enn ein tilraunin hjá vinstri-mönnum til að koma skóflunni undir kapítalismann. Það tókst ekki með kommúnismanum. Það tókst ekki með "menningarbyltingu", það tókst ekki með þriðju sænsku höndinni, það tókst ekki með uppreisn frá miðju, né með hippum og blómum.

Nú er allt þetta batík-hobby-snobb-fólk orðið að melónum. Grænum að utan en rauðum að innan. Þetta getur hæglega kastað heiminum út í "economic depression". Nóg kostaði kalda stríðið. En ekkert miðað við þetta. Ef illa fer þá mun þetta kasta heiminum afturábak til 1960's lifistandard og halda honum þar næstu 70 árin. Þetta er stærsta hoax í sögu mannsins.

Gunnar Rögnvaldsson, 12.12.2009 kl. 14:20

8 Smámynd: Ragnhildur Kolka

Tek undir hvert orð hjá þér, Gunnar og Gústaf, þetta er umhverfisfasismi. Málfrelsið afnumið og nú skv. frétt mbl.is þá eru engar líkur á að atburðurinn verði rannsakaður, því eins og segir í fréttinni þá hyggst:

"Lars Løkke Rasmussen, forsætisráðherra Dana.... kynna hugmyndir þess efnis að iðnríki heims minnki losun gróðurhúsalofttegunda um allt að 80% fyrir árið 2050, samanborið við 1990".

Þar hefur þú það. Ruglið í Obama hefur náð rótfestu og nú eru allir orðnir hoppandi snarvitlausir. Við verðum farin að taka mó áður en yfir lýkur.

Ragnhildur Kolka, 12.12.2009 kl. 14:46

9 Smámynd: Gústaf Níelsson

Þetta er vel boðið hjá forsætisráðherra Dana og þegar á líður ráðstefnuna má búast við allmiklum yfirboðum pólitískra leiðtoga. Væri málum ekki endanlega bjargað ef Indverjar og Kínverjar önduðu bara fyrir hádegi? Þetta loftslagsfiasko verður alltaf vitlausara og vitlausara.

Gústaf Níelsson, 12.12.2009 kl. 16:42

10 Smámynd: Vilhjálmur Örn Vilhjálmsson

Frábær færsla, en myndbandið er ekki frá Kaupmannahöfn.

Vilhjálmur Örn Vilhjálmsson, 12.12.2009 kl. 17:51

11 Smámynd: Gústaf Níelsson

Hvaðan er það þá Vilhjálmur Örn? Er um blekkingu að ræða?

Gústaf Níelsson, 12.12.2009 kl. 18:01

12 Smámynd: Vilhjálmur Örn Vilhjálmsson

Nei, rugl í mér. Ég talaði við vin minn sem passar bás fyrir háskólann í Haifa og hann staðfesti að SÞ löggur frá Sviss og BNA væru í Bella Centret. Langt er gengið.

Vilhjálmur Örn Vilhjálmsson, 12.12.2009 kl. 18:04

13 Smámynd: Vilhjálmur Örn Vilhjálmsson

Annar vinur minn sem er formaður KKL, www.kkldanmark.dkstaðfestið þetta líka. Bella Center tilheyra öfgum SÞ þessa dagana.

Vilhjálmur Örn Vilhjálmsson, 12.12.2009 kl. 18:06

14 Smámynd: Gunnar Rögnvaldsson

Klima Kreml KBH

Gunnar Rögnvaldsson, 12.12.2009 kl. 18:21

15 Smámynd: Gunnar Rögnvaldsson

Color Climax var betra (á meðan var)

Gunnar Rögnvaldsson, 12.12.2009 kl. 18:22

16 Smámynd: Ragnhildur Kolka

Sjúkk, Vilhjálmur, hélt þú ætlaðir að eyðileggja þetta fyrir mér, en svo las ég áfram. Takk fyrir að sannreyna málið. Enginn betri en þú í þeim efnum.

Þakka ykkur öllum fyrir athugasemdirnar.  

Ragnhildur Kolka, 12.12.2009 kl. 19:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ragnhildur Kolka
Ragnhildur Kolka
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband